fredag 3. september 2010

Om å gå på teater med pressebillett

(Musikalen Next to normal, Det norske teatret)

Det er kanskje flautt å innrømma kor glad eg blei då eg fekk to gratisbillettar til ein teaterpremiere. Eg forventa berre ein, og var førebudd på å sitja aleine og notera. Men eg gløymde å ha med penn, og gjekk ikkje aleine. Difor blei det mest som ein vanleg teatertur - bortsett frå at det var masse kjendisar i salen (igjen er eg litt flau over kor begeistra det gjorde meg).

Men no var eg jo der for å skriva ei teatermelding. Det kjentest litt som å vera tilbake i kommunikasjon&kultur-modusen, og eg tok meg i å dra fram diskursbegrepet og nesten halda teljing på klisjeane. Men for nokon fantastiske klisjear! Det må berre seiast at eg elskar dramatisk song om kjærleik og frustrasjon og galskap, særleg når setningar som "eg elskar deg" og "eg blir galen" vert gjentatt litt for mange gongar. Det er dei teite tinga ein fort kan bli rørt av.

Når det er sagt, var det eit ganske seriøst tema i stykket og alt var ikkje sånn der musikaldramasvada. Det er berre vanskelegare å få fram kvaliteten og seriøsiteten i eit hastverksblogginnlegg. Difor er det bra at det kjem ei fullstendig teatermelding i neste nummer av Motmæle. Les ho, men viktigare: Sjå stykket.

2 kommentarer:

Tove sa...

Oooo.. så gøy (:
Jeg er misunelig.
Hva heter teaterstykket?

Sara sa...

Next to normal :)
Det skal gå ei stund på teateret, iallfall ut november :)